मराठीतील प्रसिद्ध लेखक - विनोबा भावे
बालपण आणि शिक्षण वडील श्री. नरहरी शंभूराव भावे व आई सौ. रुक्मिणी याच्या पोटी एका धर्मनिष्ठ चित्पावन ब्राह्मण कुटुंबात आचार्य विनोबा भावे यांचा जन्म, दि. ११ सप्टेंबर १८९५ रोजी महाराष्ट्रातील पेण जिल्ह्यातील घगोडे गावात झाला वडील बडोदा राज्यात कपडा-तंत्रज्ञ होते. विनोबाचे पाळण्यातील नाव विनायक; पण विन्या, विनय, आचार्य विनोबा भावे, सत विनोबा भावे व ‘बाबा’ हीसुद्धा त्याची प्रचलित नावे होती. तीन भाऊ व एक बहीण होती. आजोबा शंभूराव उदारमतवादी असून स्पृश्यास्पृश्यांना न मानणारे होते. ते शिवभक्त होते. हेच विचार सुरुवातीपासून विनोबामध्ये होते. विनोबांची आई अतिशय धार्मिक असून नेहमी संतवाणी गुणगुणत असे. तिच्याच सांगण्यावरून विनोबांनी इ. स. १९३०-३१ मध्ये संस्कृत गीतेचा मराठीमध्ये पद्यानुवाद केला. तो ‘गीताई गीता माता’ नावाने प्रसिद्ध आहे. त्यांच्या आईचे निधन १९१८ मध्ये झाले. विनोबांचे प्राथमिक शिक्षण गावातच झाले. इ. स. १९१३ मध्ये बडिलांजवळ बडोद्याला राहून त्यांनी मॅट्रिक पास केले व इंटरमीडिएटला प्रवेश घेतला. त्यांना अत्यंत कुशाग्र बुद्धी होती, जब...